Телефоны приемной:
+7(495)967-98-44
+7(999)912-58-68 (WhatsApp)
» » ТАБРИКОТ БАХШИДА БА РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

ТАБРИКОТ БАХШИДА БА РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

22 февраль 2023, Среда
273
0
ТАБРИКОТ БАХШИДА БА РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН
Ҳамдиёрони азиз!

Аз номи Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон Шуморо бахшида ба 30-солагии Қувваҳои мусаллаҳи Ҷумҳурии Тоҷикистон самимона табрик менамоем.

Ин рӯз барои мардуми шарафманди мо рӯзи қудрат ва тавоноии давлати тоҷикон, муҳаббат ва садоқат ба Ватани худ, қобилияти ҳифз ва пуштибони оилаҳояшро ифода мекунад.

Мардуми шарифи Тоҷикистони соҳибихтиёр дар симои хидматчиёни ҳарбии Қувваҳои мусаллаҳи мамлакат фарзандони бонангу номус ва далеру шуҷои худро мебинанд, ки ба савганди ҳарбӣ ва халқу Ватани худ ҳамеша содиқу вафодор ҳастанд.

Қувваҳои мусаллаҳи Ҷумҳурии Тоҷикистон зодаи истиқлолият буда, дар шароити вазнин таъсис ёфтааст. Бинобар ин, мо бояд шукронаи истиқлолият ва шукронаи сулҳу субот намоем ва дар обод намудани Ватани азизамон саҳми хешро гузорем.

Бори дигар Шуморо ба ифтихори ҷашни 30-солагии таъсисёбии Қувваҳои мусаллаҳи мамлакат табрик намуда, бароятон хушбахтӣ, некномӣ, сарбаландиву саодат ва ба Тоҷикистони озоду соҳибихтиёрамон суботу оромии ҷовидонӣ орзу менамоем.

ПОЛЕЗНЫЕ ССЫЛКИ