Наврӯз муборак!

Ҳамватанони арҷманд!
Ҳамкорони гиромӣ!

Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират ҳамаи ҳамдиёронро ба муносибати ҷашни Наврӯз самимона табрик менамояд!

Наврӯз рамзи эҳёи табиат, сулҳу дӯстӣ ва оғози рӯзи нав мебошад. Ин ҷашни фархунда, ки таърихи куҳан дорад, мардумро новобаста аз синну сол ба ҳам меорад ва анъанаҳои неки дӯстӣ, эҳтироми мутақобила ва ҳамдигарфаҳмиро таҳким мебахшад.

Барои ҳамватанони мо, ки дар Федератсияи Россия зиндагӣ ва фаъолият менамоянд, Наврӯз ёдовар аз Ватан, мероси ғании фарҳангӣ ва арзишҳои маънавии халқи тоҷик мебошад. Дар ин рӯз аҳамияти ваҳдат, дастгирии якдигар ва талоши созанда барои беҳбудии оила ва ҷомеа беш аз пеш эҳсос мегардад.

Ба шумо ва наздиконатон саломатии комил, саодатмандӣ, суботу пешрафт, дастовардҳои нави касбӣ ва эътимод ба фардои дурахшон таманно дорем. Бигзор дар ҳар хонадон сулҳу осоиштагӣ, меҳру муҳаббат ва фаровонӣ ҳукмфармо бошад ва ҳамаи ниятҳои нек амалӣ гарданд.

Наврӯз муборак!