Табрикоти солинавӣ

Ҳамватанони гиромӣ!
Ҳамкорони мӯҳтарам!

Аз номи Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия шуморо бо фарорасии Соли нави мелодии 2026 самимона табрик менамоем!
Соли сипаришуда марҳилаи муҳим дар рушди ҳамкориҳои дуҷониба байни Ҷумҳурии Тоҷикистон ва Федератсияи Россия дар соҳаи меҳнат, муҳоҷират ва шуғли аҳолӣ гардид. Дар доираи муколамаи созанда ва эътимоди мутақобила корҳои пайгирона ҷиҳати рушди механизмҳои ҷалби муташаккилонаи шаҳрвандони Ҷумҳурии Тоҷикистон барои фаъолияти меҳнатӣ дар ҳудуди Федератсияи Россия идома ёфтанд.
Натиҷаҳои мусбати фаъолияти муштараки мақомоти соҳавӣ, мақомоти иҷроияи ҳокимияти давлатии минтақаҳои Федератсияи Россия, инчунин корфармоёни ҳар ду кишвар ва татбиқи бомуваффақияти созишномаҳо ва санадҳои байнидавлатӣ ва байниидоравии қаблан баимзорасида, ки ба ҳифзи ҳуқуқу манфиатҳои қонунии шаҳрвандон, баланд бардоштани сатҳи омодагии касбӣ ва фароҳам овардани шароити бехатару арзандаи меҳнат равона шудаанд, махсусан қобили зикр мебошанд.
Ба шарофати ҳамкории ҳамоҳангшудаи ҷонибҳо, густариши заминаи шартномавию ҳуқуқӣ ва ҷорӣ намудани шаклҳои нави ҳамкорӣ, ҷалби муташаккилона ҳамчун воситаи самаранок ва шаффофи шуғли меҳнатӣ ташаккул ёфта, ба таҳкими суботи иҷтимоӣ ва мустаҳкам гардидани равобити дӯстона байни давлатҳои мо мусоидат менамояд.
Ба ҳамаи шарикон барои ҳамкории пурсамар, сатҳи баланди масъулиятшиносӣ ва талош барои рушди минбаъдаи ташаббусҳои муштарак изҳори сипос менамоем.
Бигзор Соли нави мелодии 2026 соли имкониятҳои нав, лоиҳаҳои муваффақ ва дастовардҳои назаррас гардад. Ба шумо саломатии бардавом, осоиштагӣ, некӯаҳволӣ, боварӣ ба фардо, комёбиҳои касбӣ ва сулҳу оромӣ дар ҳар як хонавода орзу менамоем.
Бо беҳтарин таманниёт дар Соли нав!
Намояндагии
Вазорати меҳнат, муҳоҷират ва шуғли аҳолии
Ҷумҳурии Тоҷикистон
дар Федератсияи Россия оид ба муҳоҷират