28 апрел — Рӯзи умумиҷаҳонии ҳифзи меҳнат

Намояндагӣ ҳамаи ҳамватанон, кормандон, корфармоён ва шариконро ба муносибати Рӯзи умумиҷаҳонии ҳифзи меҳнат самимона табрик менамояд!
Ин рӯз ҳамчун ёдоварии муҳим аз фароҳам овардани шароити бехатар ва арзандаи меҳнат, ҳифзи ҳаёт ва беҳдоштии кормандон, инчунин пешгирии ҷароҳатҳои истеҳсолӣ хидмат мекунад.
Мо ба ҳамаи онҳое, ки дар таъмини бехатарӣ дар ҷойҳои корӣ, риояи қонунгузории меҳнат ва ҳифзи ҳуқуқҳои кормандон саҳм мегузоранд, изҳори сипос менамоем. Ба дастгирии муҳоҷирони меҳнатӣ, баланд бардоштани сатҳи огоҳии онҳо оид ба талаботи ҳифзи меҳнат ва таъмин намудани шароити арзандаи шуғл диққати махсус дода мешавад.
Намояндагӣ минбаъд низ ба таҳкими ҳамкорӣ дар самти ҳифзи ҳуқуқ ва манфиатҳои шаҳрвандони Ҷумҳурии Тоҷикистон, ки дар хориҷи кишвар фаъолият доранд, инчунин баланд бардоштани сатҳи бехатарии меҳнат мусоидат хоҳад кард.
Ба ҳамаи шумо саломатии бардавом, некӯаҳволӣ ва меҳнати бехатар орзумандем!
Бо эҳтиром,
Намояндагии Вазорати меҳнат, муҳоҷират ва шуғли аҳолии
Ҷумҳурии Тоҷикистон дар Федератсияи Россия оид ба муҳоҷират